Pangasinan State University

SOC STUD 5

“Jose Rizal (1998)” Panimula Sa loob ng halos tatlong oras na pelikula ipinakita at inilarawan ang buhay at pagsisikap ng pinakadakilang Pilipino na nabuhay, ang pambansang bayani na si Dr. Jose Rizal. Sa pagdirek ni Marilou Diaz-Abaya, isang Pilipinong director, ang pelikula ay inilahok ng GMA Films para sa Metro Manila Film Festival noong 1998. Sa pelikulang ito, binalikan at isinalaysay ang naging buhay at mga gawa ni Jose Rizal sa pamamagitan ng mga pagbabalik tanaw sa mga pangyayari noong siya’y bata pa lamang sa Calamba, ang kanyang buhay bilang isang mahusay at matalinong estudyante, si Rizal bilang magsusulat at awtor ng Noli Me Tangere at El Filibusterismo, ang kanyang buhay pag-ibig, at pakikipagsapalaran sa Europa, hanggang sa siya’y dinakip at pinatay sa Bagumbayan. Nagsimula ang pelikula sa taong 1891 kung saan pinapakita si Jose Rizal, na ginampanan ni Cesar Montano, bilang isang matatag na may-akda at linguist na nagsasalita ng higit sa 20 mga wika. Nangako siyang magsusulat tungkol sa mga paghihirap ng mga mamamayang Pilipino sa ilalim ng paniniil ng pamumuno ng mga Espanyol, at tungkol sa kanilang pang-aabuso ng mga tiwaling pari (“Analysis Of The Movie “Jose Rizal” Essay”, n.d.). Sa simula ng pelikula pinakita si Rizal, na ginampanan ni Cesar Montano, na nagsusulat tungkol sa bansang Pilipinas habang siya ay nasa ibang bansa. Makikitang nagsusulat si Rizal na may kasama at maririnig na pagsasalaysay ukol sa kasamaan at pang-aabuso ng mga Espan